ორსულობის დროს ორგანიზმში მიმდინარე ცვლილებები

შარდ სასქესო სისტემა

ორსულობის დადგომისთანავე ციკლური პროცესები და ოვულაცია საკვერცხეებში წყდება. ამავე დროს, ერთ-ერთ საკვერცხეში ფუნქციონირებს ყვითელი სხეული – განსაკუთრებული ენდოკრინული ორგანო, რომელიც საშვილოსნოსშიდა ლორწოვან გარსს ემბრიონის მისაღებად ამზადებს და უზრუნველყოფს ორსულობის განვითარებას პირველი 10-12 კვირის განმავლობაში. შემდეგ ის თანდათან რეგრესირდება და მისი ფუნქციები გადაეცემა ფეტოპლაცენტარულ კომპლექსს.

დიდი დატვირთვა მოდის თირკმელებზე, რადგან მათ ორგანიზმიდან არამარტო ორსული დედის, არამედ ნაყოფის ნივთიერებათა ცვლის პროდუქტებიც გამოჰყავთ. პროგესტერონის დონის შემცირებისას შესაძლოა შარდის ბუშტის ტონუსი დაქვეითდეს, რამაც შეიძლება შარდის შეკავება გამოიწვიოს და საშარდე გზებში ინფექციების მოხვედრას შეუწყოს ხელი.

ორსულობის პერიოდში ქალების ნაწილში ჩნდება ე.წ. „კვატისებური“ სიარულის მანერა, რომელიც მენჯის სახსრების დარბილებას და ბოქვენის ძვლების მცირე დაშორიშორებას უკავშირდება.

ორსულობისას ორგანიზმში მიმდინარე ცვლილებები სარძევე ჯირკვლებსაც ეხება: იზრდება ცხიმოვანი ქსოვილი, სეგმენტების რაოდენობა და უმჯობესდება სისხლის მიმოქცევა.

ორსულობის დროს ქალის წონა ნაყოფის ზრდისა და საშვილოსნოს მნიშვნელოვანი გადიდების შედეგად 8 დან 18 კგ მდე მატულობს. ორსულობის ბოლოსთვის საშვილოსნოს ზომა 3 8 სმ-დან 35 სმ მდე, ხოლო მისი მასა (ნაყოფის გარეშე) 50 100 გ-დან 1000 1200 გ მდე იზრდება. საშვილოსნოს ზომის ცვლილებასთან ერთად მისი განლაგებაც იცვლება – პირველი ტრიმესტრის ბოლოს ის მენჯის საზღვრებს სცდება და მშობიარობის მოახლოებისას ნეკნქვეშა არემდე აღწევს. ასევე, იზრდება სისხლძარღვების ქსელიც და ფარავს მთელს საშვილოსნოს.

ფსიქოლოგიური ცვლილებები

ორსულობის დადგომის მომენტიდან ქალი თანდათან მორალურად ემზადება დიდი ხნის ნალოდინები საოცრების დაბადებისთვის. ორსულობის პირველი ორი ტრიმესტრის განმავლობაში ქალები ხშირად საკუთარი მდგომარეობით არიან დაკავებულნი, რადგან ორგანიზმში ამ დროს ფიზიკური ცვლილებები მიმდინარეობს. მეორე ტრიმესტრში ნაყოფი იწყებს მოძრაობას და მთელი ყურადღება მასზე გადადის. ქალი ფიქრობს ბავშვის სახელის შერჩევაზე, ესაუბრება და მოფერებითი სახელებით მიმართავს მას.

^*გინეკოლოგების მიერ რეკომენდებულია მიოფოლიკის  მიღება დღეში 2 პაკეტის ოდენობით ქალის რეპროდუქციული ფუნქციის გაუმჯობესებისა და ჰორმონალური ბალანსის ნორმალიზებისთვის როგორც ორსულობისთვის მზადების ყველა ეტაპზე, ასევე, შემდგომ მისი ჯანმრთელად მიმდინარეობისთვის.

რატომ არის მნიშვნელოვანი ორსულობისთვის მომზადება?

ყველა ქალს სურს, გახდეს დედა, თავად განიცადოს პატარა საოცრების ცხრათვიანი სულმოუთქმელი ლოდინი, გადალახოს ახალშობილისთვის სახელის შერჩევის სირთულე და საკუთარი თავი მთლიანად მიუძღვნას მის აღზრდას. სწორედ ამიტომ ძალზედ მნიშვნელოვანია დავრწმუნდეთ, რომ ქალის სხეული მართლაც მზად არის ჩასახვისთვის, ნაყოფის მუცლადტარებისა და ჯანმრთელი ბავშვის დაბადებისთვის.